طريقة عمل الشاورما
طريقة الشاورما
ستيك مقطع شرائح طولية او مكعبات بنغسلو منيح بليمون وخل
بنضيف عليه بهار الشاورما و لبن زبادي ورشة زنجبيل ورشة قرنفل وملح وفلفل اسود ورشة قرفة وبابريكا وجوزة الطيب وخل بننقعهم بالبهارات لمدة 4 ساعات او قبل بيوم بنعملهم
بعدين بنحط قطعة زبدة بمقلاة وبنحط الجاج وبنخليه يستوي وبتشرب ميتو
او ممكن نحطو بالفرن
طريقة البصل بالسماق
بصل مقطع شرائح بنحط عليه شوية خل وملح وبنفرم بقدونس ناعم وسماق وبنلخبطهم ببعض
طريقة الخبز انا عملت كمية قليلة ممكن المضاعفة
كوبين طحين
ملعقة صغيرة خميرة فورية
رشة ملح
ملعقة كبيرة سكر
2 ملعقة كبيرة حليب بودرة
3 ملاعق زيت ..بنفركها مع الطحين وبقية المواد بنضيفها وبنعجنها بمية دافية تقريبا كوب حسب ما تلم معك العجينة بنتركها ترتاح ساعة بعدين بنقطعها كرات وبنفردها بسمك قليل علشان تطلع رقيقة بتحمي اما صاجة او مقلاة تيفال بس تحمى مزبوط بنحط الرغيف واول مايطلع فقاعات بنضغط عليه علشان ما ينتفخ وبتقلبو حتى يتحمر على الجهة التانية وبنحط الكمية الي جهزت على فوطة مطبخ وبنغطيه علشان يضل طري
وبنجيب الرغيف وبندهن طحينة وبنحط بعدين الشاورما واي شي بتحبوه مخلل خيار او بندورة او خس وبنحطها عالشواية
طريقة عمل الشاورما
Reviewed by Ahmed Jaber
on
1:36 AM
Rating:
Reviewed by Ahmed Jaber
on
1:36 AM
Rating:
ليست هناك تعليقات على : طريقة عمل الشاورما